Safeguard

Ես Բանկից ստացել եմ իմ տվյալները թարմացնելու խնդրանք: Ո՞րն է իմ հաջորդ քայլը:

Դուք պետք է այցելեք բանկի ցանկացած մասնաճյուղ և տրամադրեք/հաստատեք պահանջվող տեղեկատվությունը: Հարցերի դեպքում խնդրում ենք զանգահարել մեր Հեռախոսային կենտրոն +374 60 655 000 հեռախոսահամարով:

Ինչո՞ւ է Ձեզ հարկավոր տեղեկատվություն իմ եկամուտների և կարողության ծագման աղբյուրի վերաբերյալ:

Երբեմն մենք կարիք ենք ունենում ճշտելու գումարների ծագման աղբյուրը՝ մեր հաճախորդներին ֆինանսական հանցագործություններից և զեղծարարություններից պաշտպանելու նպատակով: Նմանատիպ հարցադրումները արտասովոր երևույթ չեն և անհանգստության առիթ չպետք է հանդիսանան: Ունենալով այդ տեղեկատվությունը՝ մենք հնարավորություն ենք ստանում Ձեր հաշիվն ավելի արդյունավետ կերպով պաշտպանելու զեղծարարությունից և ֆինանսական հանցագործությունից:

Ո՞րն է տեղեկատվությունը տրամադրելու վերջնաժամկետը:

Տեղեկատվության տրամադրման վերջնաժամկետները նշված են լինելու Ձեզ ուղարկված/ներկայացված հարցման մեջ:

Ի՞նչ կլինի, եթե ես չտրամադրեմ այդ տեղեկատվությունը:

Մենք Ձեզ կուղարկենք հիշեցումներ և կտրամադրենք բավարար ժամանակ այդ տեղեկատվությունը ներկայացնելու համար: Եթե Դուք ունեք որևիցե խնդիր այդ տեղեկատվությունը հավաքագրելու հետ կապված, խնդրում ենք մեզ տեղեկացնել այդ մասին հնարավորինս շուտ, որպեսզի մենք էլ փորձենք Ձեզ օգնել այդ հարցում: Հնարավոր է, օրինակ, որ նման դեպքերում մենք խնդրենք ներկայացնել Ձեզ մոտ առկա այլ փաստաթուղթ: Սակայն, եթե Դուք չեք կարողանում ներկայացնել պահանջվող փաստաթղթերը, ցավոք մենք ստիպված կլինենք վերանայել մեր բանկային հարաբերությունները Ձեզ հետ՝ ներառյալ գործարքների և նոր ծառայությունների տրամադրման մերժում և/կամ առկա բանկային ծառայությունների դադարեցում:

Արդյո՞ք իմ հաշիվները կփակվեն, եթե ես Ձեզ ժամանակին չտրամադրեմ պահանջվող տեղեկատվությունը:

Մինչև Ձեր բանկային ծառայությունները սահմանափակող/արգելող որոշումներ ընդունելը, Բանկը Ձեզ կուղարկի հիշեցումներ պահանջվող փաստաթղթերի վերաբերյալ: Սակայն, եթե Դուք չեք կարողանում ներկայացնել պահանջվող փաստաթղթերը, ցավոք մենք ստիպված կլինենք վերանայել մեր բանկային հարաբերությունները Ձեզ հետ՝ ներառյալ գործարքների և նոր ծառայությունների տրամադրման մերժում և/կամ առկա բանկային ծառայությունների դադարեցում:

Արդյո՞ք Դուք արդեն չունեք այդ տեղեկատվությունը:

Հավանաբար, մենք արդեն տիրապետում ենք Ձեր վերաբերյալ որոշակի տվյալների, սակայն մենք պետք է վստահ լինենք, որ այդ տեղեկատվությունն արդիական է, ճշգրիտ և պարունակում է բոլոր այն տվյալները, որոնք նախկինում չեն պահանջվել կամ չեն տրամադրվել Ձեր կողմից:

Ի՞նչ կպատահի, եթե ես չհամաձայնվեմ նոր Հիմնական պայմանների հետ։&

Ցավոք մենք հնարավորություն չենք ունենա իրականացնել Ձեր բանկային գործարքները, եթե Դուք չհամաձայնվեք մեր «Հիմնական պայմաններին»: Մեր գլոբալ համակարգերը օգտագործում են հաճախորդի վերաբերյալ տեղեկատվությունը և տվյալները նաև երկրի սահմաններից դուրս՝ ֆինանսական հանցագործությունը բացահայտելու և կանխելու նպատակով: Եթե նույնիսկ Ձեզ բանկային ծառայություններ են մատուցում միայն մեկ երկրում, ֆինանսական հանցագործությունը հաճախ շատ հմուտ է կազմակերպված լինում, և հանցագործները գործում են երկրների սահմաններից դուրս: Դա է պատճառը, որ մեր Հիմնական պայմաններին չհամաձայնվելու դեպքում մենք ստիպված կլինենք հրաժարվել Ձեզ ֆինանսական ծառայություններ մատուցելուց:

Ինչո՞ւ եք կրկին այդքան հարցեր տալիս: Ես այդ հարցերին նախկինում արդեն պատասխանել եմ։

Մենք գնահատում ենք այն, որ Դուք ընտրել եք Էյչ-Էս-Բի-Սի Բանկը Ձեր առօրյա բանկային գործարքներն իրականացնելու համար: Ժամանակ առ ժամանակ մենք կարիք ենք ունենում թարմացնելու մեր հաճախորդների տվյալները՝ վստահ լինելու համար, որ վերջիններս ճշգրիտ և ամբողջական են: Նմանատիպ ճշգրտումները թույլ են տալիս կանխել ֆինանսական հանցագործություններն ու զեղծարարությունները: Որպես կանոն, այս գործընթացը ժամանակատար չէ և աշխատակիցները հնարավորության սահմաններում կխուսափեն միևնույն հարցերը կրկին անգամ հետագայում ճշտելուց:

Ինչո՞ւ Ձեր մրցակից բանկերը նման տեղեկատվություն չեն պահանջում:

Մենք չենք կարող մեկնաբանել այլ բանկերի գործունությունը: Էյչ-Էս-Բի-Սի Բանկում մեզ համար անչափ կարևոր է մեր հաճախորդների պաշտպանությունը ֆինանսական հանցագործություններից և զեղծարարություններից: Մենք նպատակն է սպասարկել Ձեր հաշիվները արդյունավետ և անվտանգ, ինչը հնարավորություն է տալիս մեր հաճախորդներին լինել առավել պաշտպանված:

Ես հանդիսանում եմ Էյչ-Էս-Բի-Սի Բանկի հաճախորդ մեկից ավելի երկրներում: Արդյո՞ք ես պետք է նույն տեղեկատվությունը տրամադրեմ մի քանի երկրներում:

Օրենքներն ու կանոնակարգերը տարբերվում են կախված երկրից: Դա է պատճառը, որ հնարավոր է Ձեզ հետ միևնույն տեղեկատվության համար կապ հաստատեն մի քանի անգամ: Նախապես հայցում ենք Ձեր ներողամտությունը, սակայն շատ կարևոր է, որ Դուք պատասխանեք բոլոր այն հարցումներին, որոնք ստացել եք: Մենք փորձել ենք նվազեցնել հնարավոր կրկնությունները և պահել տեղեկատվությունը որքան հնարավոր է միասնական՝ հաշվի առնելով տեղական օրենսդրական սահմանափակումները:

Ինչպե՞ս եք Դուք օգտագործելու իմ վերաբերյալ տեղեկատվությունը: Ինչպե՞ս է այն պահվելու և պաշտպանվելու:

Մենք օգտագործելու ենք այդ տեղեկատվությունը Ձեզ՝ մեր հաճախորդներին և Բանկին ֆինանսական հանցագործությունից պաշտպանելու համար: Մենք պարտավորվում ենք պաշտպանել Ձեր տեղեկատվությունը, հետևաբար ցանկացած տվյալ, որը Դուք կտրամադրեք, ենթակա է պահպանման Էյչ-Էս-Բի-Սի Խմբի տվյալների պահպանման և անվտանգության ստանդարտներին համապատասխան՝ ապահովելու համար դրանց պաշտպանությունը: Վստահեցնում ենք, որ Ձեր տեղեկատվությունն օգտագործվելու է միայն Ձեզ պաշտպանելու նպատակով և այն չի տրամադրվելու որևէ երրորդ անձի այլ նպատակների համար:

Ես տարիներ ի վեր հանդիսանում եմ Ձեր հաճախորդը: Ինչո՞ւ Ձեզ հանկարծ հարկավոր եղավ նման լրացուցիչ տեղեկատվություն:

Մեր օրերում բանկային ոլորտը շատ արագ է փոփոխվում, և մեր պարտականությունն է պաշտպանել Ձեզ և մեր բոլոր հաճախորդներին ֆինանսական հանցագործություններից և զեղծարարություններից: Մենք, օրինակ, պետք է վստահ լինենք, որ բանկի կողմից Ձեզ համար իրականացվող բոլոր գործարքները կատարվում են Ձեր իրական պահանջի հիման վրա: Այսինքն բանկը մշտապես պետք է ունենա ճշգրիտ տեղեկատվություն մեր բոլոր՝ նույնիսկ ամենահավատարիմ հաճախորդների վերաբերյալ՝ մեր համակարգերի միջոցով հանցագործությունները և զեղծարարությունները կանխելու նպատակով: Մենք իսկապես գնահատում ենք Ձեր օգնությունը: Ձեր վերաբերյալ միշտ ճշգրիտ տեղեկատվություն տրամադրելը նշանակում է, որ Դուք էլ Ձեր լուման եք ներդնում բանկային ոլորտը բոլորի համար ավելի ապահով դարձնելու գործում:

Ի՞նչ փաստաթղթեր է հնարավոր ներկայացնել իմ անձնական տվյալները հաստատելու համար:

Պահանջվող փաստաթղթերի ցանկը նշված է Ձեզ ուղարկված/ներկայացված հարցման մեջ: Հարցերի դեպքում խնդրում ենք զանգահարել +37460 655 000 հեռախոսահամարով:

Արդյո՞ք ես պետք է այցելեմ մասնաճյուղ, թե կարող եմ ուղարկել այդ փաստաթղթերը փոստով կամ էլեկտրոնային փոստով:

Որպես կանոն, Էյչ-Էս-Բի-Սի Բանկ պետք է ներկայացնել փաստաթղթի բնօրինակները կամ համապատասխան մարմինների կողմից հաստատված պատճենները: Դուք կարող եք դրանք ներկայացնել ցանկացած մասնաճյուղ Ձեզ հարմար ժամանակ: Հնարավոր է լինեն դեպքեր, երբ մենք ընդունենք որոշ փաստաթղթեր էլեկտրոնային տարբերակով: Նման դեպքերում խնդրում ենք կապ հաստատել Բանկի հետ՝ հնարավորինս հարմար և ապահով լուծումներ գտնելու նպատակով:

Ինձ հետ մինչ այժմ կապ չեն հաստատել և ես էլ. նամակ չեմ ստացել: Ի՞նչ է դա նշանակում:

Դուք կստանաք համապատասխան նամակ, միայն եթե առկա է դրա անհրաժեշտությունը: Սակայն, եթե ցանկանում եք քննարկել HSBC Safeguard-ի վերաբերյալ մանրամասները, ապա կարող եք զանգահարել մեր Հեռախոսային կենտրոն +374 60 655 000 հեռախոսահամարով: Եթե Դուք հանդիսանում եք HSBC STATUS հաճախորդ, խնդրում ենք զանգահարել +374 60 655 151 հեռախոսահամարով:

Ինչո՞ւ ես պետք է ներկայացնեմ այս բոլոր փաստաթղթերը:

Վերջին շրջանում տեղի են ունեցել մի շարք օրենսդրական փոփոխություններ, որոնք ազդեցություն ունեցան ինչպես Էյչ-Էս-Բի-Սի Բանկի, այնպես էլ վերջինիս հաճախորդների վրա ամբողջ աշխարհում: Արդյունքում մենք պետք է վստահ լինենք, որ ճանաչում և հասկանում ենք, թե ովքեր են մեր հաճախորդները և, որ կարող ենք սպասարկել նրանց ֆինանսական կարիքները համապատասխանաբար:

Ինչո՞ւ եք Դուք ցանկանում տեսնել իմ անձնագիրը/նույնականացման քարտը:

Ստանդարտ բանկային գործընթացը պահանջում է անձը հաստատող փաստաթղթի առկայություն: Եթե Ձեր անձնագիրը/ID քարտը փոխվել է, և մենք չունենք վերջինիս պատճենը, ապա պետք է խնդրենք Բանկ ներկայացնել բնօրինակը։ Մենք չենք կարող ընդունել պատճեններ (ոչ բնօրինակ փաստաթղթեր), ինչպես նաև առցանց տարբերակով ուղարկված օրինակներ, քանի որ դրանք հնարավոր է կեղծել:

Ես Էյչ-Էս-Բի-Սի Բանկում ունեմ ինչպես անձնական, այնպես էլ կազմակերպության հաշիվ, սակայն ինձ հետ կապ չեն հաստատել կազմակերպության հաշվի համար:

Կախված հաշվի տեսակից՝ տարբեր են նաև ներկայացվող պահանջները և իրավական կարգավորումները: Միգուցե այդ է պատճառը, որ մենք Ձեզ հետ կապ ենք հաստատել միայն Ձեր անձնական հաշվի համար, իսկ այլ հաշիվների համար՝ դեռ ոչ: Եթե Դուք Էյչ-Էս-Բի-Սի Բանկին տրամադրում եք որևէ տեղեկատվություն մեկ անգամ, օրենքի հնարավորության սահմաններում, մենք այդ տեղեկատվությունը կարող ենք տրամադրել Էյչ-Էս-Բի-Սի Բանկի այլ ստորաբաժանումներին, որոնց հետ Դուք համագործակցում եք՝ նպատակ ունենալով նվազեցնել Ձեզ հետ կապ հաստատելու անհրաժեշտությունը նույն տեղեկատվությունը հավաքագրելու համար: