Պայմաններ

Նախքան վեբ կայքն (Կայք​) օգտագործելը խնդրում ենք ուշադիր ծանոթանալ ստորև նշված տեղեկատվությանը: Մուտք գործելով և օգտվելով տվյալ ինտերնետային կայքից Դուք հաստատում եք, որ ընդունում եք և պարտավորվում եք հետևել և կատարել ստորև շարադրված պայմանները և պահանջները (այսուհետ` Պայմաններ):

Ստորև օգտագործված«Դուք», «Ձեր» և «Ձեզ»արտահայտությունները վերաբերում են կայքից օգտվող անձանց:

Ստորև օգտագործված «Մենք», «Մեզ» և «Մեր» արտահայտությունները վերաբերում են «HSBC Բանկ Հայաստան» ՓԲԸ-ին (Փակ Բաժնետիրական Ընկերությանը):

Ստորև օգտագործված «HSBC» կամ «HSBC Խումբ» արտահայտությունները վերաբերում են «HSBC Հոլդինգս» փի էլ սի-ին, ինչպես նաև նրա դուստր և ասոցացված ընկերություններին:

• Ինտերնետային կայքի վերաբերյալ ընդհանուր տեղեկություններ
• Պայմաններ
• Առաջարկի բացառում
• Օգտագործողները
• Երաշխավորության բացառում
• Երրորդ անձանց ինտերնետային կայքեր
• Նշոցիկներ
• Ինտերնետային փոստ
• Ապրանքանշաններ և հեղինակային իրավունք
• Տվյալների պաշտպանություն
• Ձեր հարցումները
• Մեր մասին տեղեկություններ

Սույն ինտերնետային կայքում օգտագործված տեղեկությունները հիմնված են դրանց հրապարակման պահին գործող օրենքների և կարգերի վերաբերյալ մեր պատկերացումների վրա: Համապատասխան օրենսդրության մեջ, կարգերում, հարկային օրենքներում տեղ գտած բոլոր հետագա փոփոխությունները կարող են իրենց ազդեցությունն ունենալ այս ինտերնետային էջում օգտագործված տեղեկությունների վրա:

Սույն ինտերնետային էջում զետեղված տեղեկությունները չեն կարող դիտվել որպես մասնագիտական խորհրդատվություն և չպետք է օգտագործվեն այդ նպատակով: Այս ինտերնետային էջից օգտվող անձանց խորհուրդ է տրվում անհրաժեշտության դեպքում ստանալ համապատասխան մասնագիտական խորհրդատվություն: Կարող են լինել դեպքեր, երբ այս էջում օգտագործված տեղեկությունները ստացվել են այլ աղբյուրներից և չնայած, որ մենք գործադրում ենք բոլոր միջոցներն ապահովելու տեղադրված ամբողջ տեղեկատվության ճշտությունը, այդուհանդերձ մենք չենք երաշխավորում այլ աղբյուրներից ստացված տեղեկատվության լիակատար ճշտությունը և պատասխանատվություն չենք կրում որոշակի սխալների կամ բացթողումների համար: Կայքից օգտվող անձանց խորհուրդ է տրվում անհրաժեշտության դեպքում ստանալ իրավաբանական, հաշվապահական, հարկերի կամ ներդրումների գծով պատշաճ մասնագիտական խորհրդատվություն:

Այս կայքում զետեղված տեղեկությունները չեն հանդիսանում և չպետք է մեկնաբանվեն, որպես որևէ ներդրում կատարելու, կամ ծառայություն գնելու առաջարկ կամ միջնորդություն: Կայքում տեղադրված որոշակի տեղեկություններ կարող են ստացված լինել ենթադրաբար վստահելի աղբյուրներից, սակայն այդ տեղեկությունները անկախ ստուգում չեն անցել, ուստի մենք չենք երաշխավորում կամ կրում որևէ պատասխանատվություն դրանց ամբողջականության կամ ճշտության համար:

Մեր կողմից մատուցվող ծառայությունների վերաբերյալ ավելի մանրամասն տեղեկություններ կարող եք ստանալ այցելելով մեր մասնաճյուղերը: Այս Կայքը նախատեսված չէ այն անձանց համար, որոնք բնակվում կամ գտնվում են մեր կողմից տեղեկատվության տարածումը սահմանափակող իրավասություններում: Այս էջերն այցելող նման անձիք պետք է պարտադիր ծանոթանան այդ տեղեկությունների հետ և պահպանեն բոլոր համապատասխան սահմանափակումները:

Մեր կողմից, ինչպես նաև HSBC Խմբի այլ անդամ բանկերի կողմից մատուցվող բոլոր ծառայությունները կարգավորվում են այդ ծառայությունների գծով հարաբերությունները կարգավորող համապատասխան պայմանագրերով:

Դուք պետք է կարդաք այդ Պայմանները ինտերնետային կայքում զետեղված այլ պայմանների հետ մեկտեղ: Որևէ հակասությունների դեպքում առաջնահերթությունը տրվում է ինտերնետային կայքի էջերում զետեղված պայմաններին:

Կայքում զետեղված տեղեկատվության նյութերի բովանդակությունը կարող է ցանկացած ժամանակ փոփոխության ենթարկվել` առանց համապատասխան ծանուցման: Պայմանները ևս կարող են փոփոխությունների ենթարկվել ցանկացած ժամանակ առանց նախնական որևէ ծանուցման: Դուք համաձայնվում եք պարբերաբար ուսումնասիրել այդ Պայմանները և ձեր կողմից տվյալ ինտերնետային կայք շարունակական մուտքը կամ այն օգտագործելը կդիտվի որպես այդ փոփոխությունների ընդունում ձեր կողմից:

Մեր կայքում տեղադրված որևէ տեղեկություն կամ կարծիք չի հանդիսանում որևէ արժեթղթեր կամ ֆինանսական գործիքներ գնելու առաջարկ կամ միջնորդություն և չի հանդիսանում այդ արժեթղթերի կամ ֆինանսական գործիքների գծով արված առաջարկություն կամ խորհուրդ:

Ընդհանուր առմամբ սույն ինտերնետային կայքը նախատեսված է այն անձանց համար, ովքեր օգտվում են տվյալ կայքից Հայաստանի Հանրապետությունում: Այդ իսկ պատճառով մենք չենք կարող երաշխավորել, որ տվյալ կայքը կամ դրա վրա զետեղված տեղեկությունները համապատասխանում են այլ երկրներում օգտագործման պահանջներին կամ կարող են օգտագործվել այլ երկրներում:

Սույն կայքում ներկայացված ծառայություններն առաջարկվում են միայն այն երկրներում, որտեղ տվյալ ծառայությունները կարող են օրինականորեն առաջարկվել HSBC Բանկ Հայաստանի կողմից: Կայքում ներկայացված տեղեկատվությունը նախատեսված չէ այն երկրներում գտնվող կամ ռեզիդենտ հանդիսացող անձանց համար, որտեղ առկա են սահմանափակումներ մեր կողմից ներկայացված նյութերի տարածման նկատմամբ: Այս կայքը դիտարկող անձինք պետք է ինքնուրույն պարզեն առկա բոլոր սահմանափակումները, հետևեն դրանց պահանջներին և հարկային պարտավորություններին: Կայքում ներկայացված տեղեկատվությունը չպետք է դիտվի որպես առաջարկ կամ միջնորդություն՝ վաճառել ներդրումային գործիքներ կամ ներդնել ավանդներ որևէ երկրում որևէ անձի, եթե տվյալ երկրի օրենսդրությամբ արգելված է նման առաջարկի կամ միջնորդության կատարումը:

Ձեր համակարգչից օգտվող անձանց կողմից սույն կայքի օգտագործման համար պատասխանատվությունը ամբողջությամբ կրում եք ինքներդ և պետք է համապատասխանաբար երաշխավորեք, որ տվյալ անձը կատարում է և հետևում է սույն Պայմաններին:

Այս դրույթը բացառում կամ սահմանափակում է կայքի համար մեր իրավական պատասխանատվությունը: Դուք պետք է ուշադիր կարդաք ստորև շարադրվածը: Այս դրույթը կիրառելի է այնքանով, որքանով այն չի հակասում օրենքին:

Մինչդեռ մենք ձեռնարկել ենք բոլոր ողջամիտ միջոցները` երաշխավորելու տվյալ ինտերնետային էջում օգտագործված տեղեկատվության ճշտությունը, առկայությունը և ամբողջականությունը, տեղեկությունները տրամադրվում են այնպես, ինչպես դրանք կան, և մենք որևէ բացահայտ կամ ենթադրվող երաշխավորություն կամ ներկայացում չենք անում դրանց վերաբերյալ: Ինտերնետային էջից օգտվելու ռիսկն ամբողջությամբ կրում եք ինքներդ: Օրենքով թույլ տրված սահմաններում չենք կրում որևէ պատասխանատվություն ձեր կողմից տվյալ կայքում զետեղված տեղեկավտության վրա հիմնվելու արդյունքում կամ դրա օգտագործման հետևանքով կրած որևէ վնասների համար:

Մենք չենք երաշխավորում տվյալ ինտերնետային կայքի առկայությունը և որ այն կբավարարի ձեր պահանջները, ինչպես նաև անխափան մուտքի հնարավորությունը, և որ չեն լինի որևէ ուշացումներ, խափանումներ, սխալներ կամ բացթողումներ կամ փոխանցվող տեղեկությունների կորուստ, և որ տեղի չի ունենա որևէ վիրուսների կամ այլ քայքայիչ ֆայլերի փոխանցում և որ ձեր համակարգչին որևէ վնաս չի հասցվի: Դուք ինքներդ եք կրում պատասխանատվություն տվյալների և/կամ սարքավորումների համապատասխան պաշտպանության համար և համապատասխան կանխարգելիչ միջոցառումներ ձեռնարկելու` վիրուսների առկայությունը պարզելու նպատակով:

Մենք չեն երաշխավորում տվյալ կայքի օգտագործման հետ կապված որևէ երրորդ անձանց համակարգչային ծրագրերի ճշտությունը և ֆունկցիոնալությունը:

Ինտերնետի այլ վեբկայքերի կամ էջերի հիպերտեքստային հղումներ մենք տրամադրում ենք միայն տեղեկատվական նպատակներով: Մենք պատասխանատվություն չենք կրում այս Կայքի հետ կապակցված ցանկացած այլ վեբկայքերի կամ էջերի բովանդակության համար: Մենք չենք ստուգել նման այլ կայքերում զետեղված տեղեկատվության բովանդակությունը: Այսպիսով, նման կապակցումների հետ կապված ռիսկը կրում եք դուք ինքներդ և մենք պատասխանատվություն չենք կրում դրա հետ կապված որևէ վնասների համար: Ներլցնելի համակարգչային ծրագրերին (downloadable software) արված կապակցումները միայն հարմարավետության նպատակներով են արված և մենք որևէ պատասխանատվություն չենք կրում համակարգչային ծրագրի ներլցման հետ կապված որևէ դժվարությունների կամ հետևանքների համար: Ներլցված ծրագրերի օգտագործումը ղեկավարվում է համապատասխան լիցենզավորման պայմանագրով, եթե այդպիսին գոյություն ունի, որը սովորաբար լինում է ծրագրի հետ:

Մեր կայքի վրա պարունակվող որևէ տեղեկատվություն չի ենթադրում կամ բացահայտ կերպով արտահայտում որևէ երրորդ կողմի հավանություն կամ հաստատում վերջինիս խորհուրդը, կարծիքը, տեղեկությունները, ծառայությունները:

Մենք չենք երաշխավորում ինտերնետի միջոցով ուղարկված հաղորդագրությունների լիարժեք ապահովությունը, քանի որ դրանք կարող են կորել, փոփոխության կամ հափշտակման ենթարկվել: Մենք պատասխանատվություն չենք կրում վերոհիշյալի համար և պարտավորություն չենք կրում Ձեր կամ որևէ այլ անձի առջև ինտերնետի միջոցով Ձեր կողմից մեզ կամ էլ հակառակ ուղղությամբ ուղարկված հաղորդագրությունների հետ կապված վնասների համար:

Մեր կայքում տեղադրված կամ տվյալ կայքի օգտագործման հետ կապված ձեզ տրամադրված տեղեկությունների բովանդակությունը հանդիսանում է HSBC-ի և այլ երրորդ անձանց (եթե այդպիսիք առկա են) սեփականությունը: Մեր կայքում հայտնված ապրանքանշանները, լոգոները և այլ տարբերակիչ նշանները ներառում են մեր և այլ երրորդ անձանց գրանցված և չգրանցված ապրանքանշաններ և տարբերանշաններ: Մեր կայքում օգտագործված որևէ տեղեկություն չի տալիս որևէ իրավունք օգտվել կայքում օգտագործված ապրանքանշաններից և տարբերանշաններից և չպետք է մեկնաբանվի որպես այդպիսին: Կայքի հետ կապված բոլոր գույքային իրավունքները պատկանում են մեզ: Վերջիններս չեն կարող օգտագործվել այլ անձանց կողմից առանց HSBC-ի կամ նման երրորդ անձանց գրավոր թույլտվությամբ:

Կայքում օգտագործված նյութերը պաշտպանված են հեղինակային իրավունքով: Էջերի էկրանների, տեղեկությունների և նյութերի հետ կապված հեղինակային իրավունքները պատկանում են և տրվում են HSBC-ի Խմբի կողմից, եթե այլ բան նշված չէ: Դուք կարող եք տպել, արտագրել, ներլցնել կամ ժամանակավորապես պահել մեր կայքից որոշ քաղվածքներ տեղեկավտական նպատակներով կամ, երբ որ դուք օգտվում եք մեր ծառայություններից: Որևէ փոփոխության կատարում չի թույլատրվում: Տվյալ կայքում պարունակվող տեղեկատվության որևէ մաս չպետք է փոփոխության ենթարկվի, վերարտադրվի, պահվի վերականգնման համակարգում, փոխանցվի (որևէ ձևով կամ միջոցներով), արտագրվի, բաժանվի, օգտագործվի ածանցյալ գործերի ստեղծման համար կամ օգտագործվի որևէ այլ կերպ կոմերցիոն կամ հասարակական նպատակներով` առանց դրա համար ստացված նախնական համաձայնության:

Մենք կարող ենք Ձեր կողմից կայք մուտք գործելու և այն օգտագործելու ընթացքում մեր ստացված տեղեկությունները պահել և օգտագործել դրանք` Ձեր հետ հարաբերությունների կարգավորման, խարդախությունների կանխարգելման և պարտքերի հավաքագրման նպատակներով կամ Ձեր ֆինանսական կարիքները հասկանալու, մեր բիզնեսն իրականացնելու և Ձեզ մատուցվող ծառայությունների որակը բարելավելու նպատակով, ինչպես նաև կայքի միջոցով իրականցվող մարկետինգի արդյունավետությունը գնահատելու և վիճակագրական վերլուծություն կատարելու համար:

Մենք պարտավորվում ենք չտրամադրել այդ տեղեկությունները որևէ երրորդ անձի` բացառությամբ օրենքով կամ կառավարման, դատական կամ վերահսկող մարմինների կողմից պատշաճ կերպով պահանջվելու դեպքում կամ Ձեր իսկ համաձայնությամբ:

Մեր կողմից կձեռնարկվեն բոլոր հնարավոր միջոցները՝ պաշտպանելու մեր ունեցած Ձեր բոլոր անձանական տվյալները ոչ լիազորված, պատահական մուտքի, ոչնչացման կամ տրամադրման հնարավորությունից:

Վերջին թարմացման ամսաթիվը՝ 02.11.23, 10:46