2024թ.-ի օգոստոսի 15-ից Բանկը դադարեցրել է ֆիզիկական անձանց Չեկային գրքույկների տրամադրումը:
Բանկի կողմից նախկինում ֆիզիկական անձանց տրամադրված Չեկային գրքույկներից դուրս գրված չեկերի ընդունումը կշարունակվի մինչև 2024թ.-ի նոյեմբերի 15-ը:
Խնդրում ենք, չեկեր ներկայացնելիս կամ դուրս գրելիս, հաշվի առնել վերոնշյալ ժամկետը՝ առաջնորդվելով Չեկային գրքույկի դիմում-պայմանագրի 5․1 և 5․2 կետերով սահմանված՝ չեկերի ներկայացման ժամկետներով:
2024թ.-ի նոյեմբերի 15-ից հետո, խնդրում ենք, չեկային գրքույկը ոչնչացնել կամ վերադարձնել Բանկ:
Չեկերի դուրսգրման փոխարեն հնարավոր է կատարել փոխանցում կամ վճարում Բանկի Հեռախոսային և Օնլայն/Մոբայլ բանկային ծառայությունների միջոցով կամ Բանկի ցանկացած մասնաճյուղում: Ծառայությունների պայմաններին և սակագներին ծանոթանալու համար խնդրում ենք այցելել Բանկի ինտերնետային կայքի համապատասխան բաժինը:
